તમને ગમે કે ના ગમે
આંખના ખૂણે થીજેલ જે લાગણીનું એક બિંદુ,
એ હું જ સંતાયો છું, તમને ગમે કે ના ગમે.
એકાંતમાં બેઠા હો ‘ને અચાનક વર્તાય હાજરી,
એ આભાસી અસ્તિત્વ છું, તમને ગમે કે ના ગમે.
ખુશીની મધુરી પળોમાં જે હાથનો સ્પર્શ ચાહો,
એ હાથની ઉષ્મા છું, તમને ગમે કે ના ગમે.
કોઈની નફરત કે દગાથી નિરાશ ન થશો,
એ હૈયાની હિંમત છું, તમને ગમે કે ના ગમે.
તમે ગમતાં હતા, ગમો છો, ગમતાં જ રહેશો,
નંદા એ પાક્કું કહું છું, તમને ગમે કે ના ગમે.
- નરેન્દ્ર વાઘેલા ‘નંદા’
No comments:
Post a Comment